Útspil stjórnvalda varðandi áfengisauglýsingar fagnaðarefni

„Þetta er mikið fagnaðarefni og sérstaklega gaman af því að fólk skuli taka og setja velferðarsjónarmið barna og unglinga í öndvegi," segir Árni Guðmundsson, formaður Foreldrasamtaka gegn áfengisauglýsingum.

Stjórnvöld þurfa að endurskoða áfengislög í heild og grípa þarf í taumana sem fyrst enda blasa áfengisisauglýsingar alls staðar við. Þetta kemur fram í minnisblaði frá heilbrigðisráðuneytinu og dómsmálaráðuneytinu þar sem fjallað er um áfengisauglýsingar og stefnumótun í áfengismálum. Á minnisblaðinu er nefnt hve áberandi áfengisauglýsingar voru þegar heimsmeistaramótið í knattspyrnu var sýnt í Ríkissjónvarpinu í sumar þótt síkar auglýsingar séu bannaðar. Dómsmálaráðherra mun leggja fram frumvarp um málið fyrir haustþing.

„Þetta er löngu tímabært vegna þess að þetta eru lög sem snúast um vernd barna og unglinga. Við höfum litið svo á það væri réttur barna og unglinga að vera laus við þetta áreitti því þessar gerviauglýsingar hafa verið komnar út fyrir allt velsæmi. Enda fengum við mikið af kvörtunum og ábendingum á vefinn okkar," segir Árni.