Fernando Torres: Liverpool verður að kaupa fullt af nýjum mönnum

Fernando Torres, framherji Liverpool, sagði að félagið þyrfti að styrkja sig mikið fyrir næsta tímabil þegar hann var í viðtali hjá spænska blaðinu AS.

„Við þurfum að kaupa fullt af nýju mönnum. Við þurfum að fá fjóra til fimm topp leikmenn til liðsins til þess að vera samkeppnishæfir," segir Fernando Torres.

„Ég vil vera að keppa um meistaratitilnn á næsta tímabili og eiga von um að vinna Meistaradeildina eða Evrópudeildina. Til þess að svo verði þurfum við að fá nýja leikmenn," sagði Torres hreinskilinn.

Torres kom til Liverpool frá Atletico Madrid árið 2007 og er með samning við liðið til ársins 2014.

„Ég ætla ekki að snúa aftur til Spánar á næstunni og framtíð mín er í enska boltanum," sagði Torres.

Torres hefur fulla trú á því að Liverpool nái að vera í hópi fjögurra efstu liða deildarinnar en liðið er sem stendur í sjötta sæti ensku úrvalsdeildarinnar fjórum stigum á eftir Tottenham sem er í 4. sætinu.