Dagsektum beitt vegna slysagildra á Klukkuvöllum

Hafnarfjarðarbær hyggst beita verktaka dagsettum vegna slæms frágangs á byggingarlóðum í Vallahverfi í bæjarfélaginu. Íbúar á Klukkuvöllum í Hafnarfirði hafa ítrekað kvartað undan slæmum frágangi á lóðum í götunni.

Fjallað var um málið í kvöldfréttum Stöðvar 2 í gær. Þar var vitnað í bréf heilbrigðieftirlitsins til skipulags- og byggingarsvið Hafnarfjarðar og rætt við fjölskylduföður sem býr í blokk á svæðinu sem íbúa reiða og vilja aðgerðir.

Steinunn Þorsteinsdóttir, upplýsingafulltrúi Hafnarfjarðar, segir í tilkynningu að skipulags- byggingarsvið bæjarins hafi ítrekað haft samband við byggingarstjórann á Klukkuvöllum 1 og honum verið sendar fundargerðir þar sem fram komi að hann eigi að ganga frá umræddum grunni. Hún segir að verktakinn hafi ekki brugðist við og að það mál sé nú á leið í dagsektarferli. Það sama eigi við um lóðina að Klukkuvöllum 5.

„Þetta eru því miður aðeins örfá af öllum þeim fjölmörgu málum sem þenslan skildi eftir sig og hefur Hafnarfjarðarbær brugðist við þeim með þeim úrræðum sem bærinn hefur. Hafnarfjarðarbær hefur verið með átak í gangi gagnvart byggingaraðilum á svæðinu, ekki bara á Klukkuvöllum heldur á öllu Vallasvæðinu,“ segir í Steinunn.