Bjarni þrýstir ekki á Guðlaug

Bjarni Benediktsson, formaður Sjálfstæðisflokksins, ætlar ekki að þrýsta á Guðlaug Þór Þórðarson, þingmaður flokksins, um að segja af sér vegna styrkja sem hann þáði fyrir hrun. Guðlaugur fékk tæpar 25 milljónir króna í styrki vegna prófkjörs sjálfstæðismanna í Reykjavík fyrir fjórum árum.

„Ég ætla ekki að gera það," sagði Bjarni í kvöldfréttum Ríkisútvarpsins.

„Guðlaugur Þór sækir ekki umboð sitt til formanns Sjálfstæðisflokksins."

Þá sagði Bjarni að það væri mat kjósenda flokksins í Reykjavík hvort Guðlaugur njóti trausts til að sitja á Alþingi.