Mansals-Lithái lék mafíósa í Svörtum englum

Einn Litháanna sem fengu 5 ára dóm fyrir aðild sína að mansalsmálinu svokallaða, lék í þáttaröðinni Svartir englar sem sýndir voru í sjónvarpinu fyrir skömmu.

Darius Tomasevskis hefur margoft birst á sjónvarpsskjám landsmanna undanfarnar vikur enda var hann einn af lykilmönnunum í Mansalsmálinu svokallaða. Í vikunni var hann dæmdur í 5 ára fangelsi fyrir aðild sína að málinu.

En þetta er ekki í fyrsta skipti sem Darius sést í sjónvarpinu hér er hann í hlutverki sínu í Svörtum englum þar sem hann lék félaga í litháísku glæpagengi sem vann ýmis skítverk fyrir undarheimakóng sem leikinn var af Helga Björnssyni. Hér sjáum við Darius ganga í skrokk á magnúsi jónssyni leikara, og hér kemur hann svo líkinu fyrir kattarnef.

Að sögn framleiðanda þáttana var Darius aðallega valinn í hlutverkið vegna útlistsis, hann þótti trúverðugur glæpamaður. Kaldhæðni örlaganna, gæti einhver sagt. En sannleikurinn er jú oft lyginni líkastur.