Hætt við skilnað?

Samkvæmt hinum ýmsu fjölmiðlum í Bandaríkjunum hefur Elin Nordegren ákveðið að styðja við bakið á eiginmanni sínum, Tiger Woods. Woods dvelur nú á meðferðarheimilinu Gentle Path þar sem hann vinnur að því að ná tökum á kynlífsfíkn sinni og hefur sést til Nordegren heimsækja hann á heimilið nokkrum sinnum. „Elin vill stöðugt fjölskyldulíf. Hún er sjálf skilnaðarbarn og fannst hún missa tengslin við föður sinn eftir skilnað foreldra sinna. Hún vill koma í veg fyrir að hið sama gerist fyrir Sam og Charlie. Hún vill að fjölskyldan haldi áfram að vera ein heild, jafnvel þótt það þýði að hún og Tiger búi saman sem vinir,“ var haft eftir heimildarmanni.