Jafnt kynjahlutfall í stjórnum fyrirtækja mikilvægt

Það er líklegra til árangurs að hafa jafnt hlutfall kynja í stjórnun fyrirtækja og hefur auk þess jákvæð árangur á skilvirkni og vinnulag. Þetta segir Þóranna Jónsdóttir, framkvæmdastjóri fjárfestingarfyrirtækisins Auður Capital.

Hún kynnti rannsókn í morgun á fundi sem efnt var til af Samtökum atvinnulífsins, Félagi kvenna í atvinnurekstri, Viðskiptaráði Íslands, Leiðtoga-Auði, iðnaðarráðuneytinu, efnahags- og viðskiptaráðuneytinu og Creditinfo. Þar var meðal annars rætt um leiðir til að fjölga konum í forystusveit atvinnulífsins og farið yfir þann ávæning sem það gæti haft í för með sér.

Þóranna segir jafn kynjahlutfall innan fyrirtækja líklegt til að skila góðum árangri sakir þess að konur væru líklegri til að spyrja gagnrýnna spurninga og krefja stjórnendur um ábyrgð. Þetta væru mikilvægir eiginleikar fyrir stjórnir fyrirtækja. Þar sem kynjahlutföll væru fremur jöfn virtust karlar fremur tileinka sér þá eiginleika.

Í erindi Þórönnu kom meðal annars fram að talsverður munur væri á því hvernig kynin litu á stöðu sína í stjórn fyrirtækja. Konur hygðu lítið tengslanetum en það teldu karlar hins vegar afar mikilvægt.

Framlag kvenna nýtist þó síður þar sem þær eru ekki hluti af óformlegu tengslaneti. Hún hvatti því konur til að reyna að ná slíkum tengslum. Þá benti hún á að fjölbreytt samsetning stuðli að aukinni fagmennsku og skilvirkari stjórnum.