Krefjast allir frávísunar í máli sérstaks saksóknara

Lögmenn allra sakborninganna þriggja í Exeter málinu svokallaða kröfðust frávísunar á málinu við fyrirtöku þess í Héraðsdómi Reykjavíkur í morgun.

Fyrrverandi forstjóri og fyrrverandi stjórnarformaður Byrs, auk fyrrverandi forstjóra MP banka, eru ákærðir fyrir umboðssvik. Telja lögmenn þeirra tveggja fyrrnefndu að málið hafi ekki verið rannsakað með fullnægjandi hætti áður en það var þingfest. Lögmaður fyrrverandi forstjóra MP banka gaf ekki upp ástæðu fyrir frávísunarkröfunni. Exetermálið er eina málið sem sérstakur saksóknari hefur ákært í enn sem komið er.

Frávísunarkrafan verður flutt í Héraðsdómi Reykjavíkur þann 3. nóvember næstkomandi.