Karlmaður nefbrotinn í nótt

Lögreglunni barst tilkynning um líkamsárás laust eftir klukkan fjögur. Karlmaður hafði verið sleginn í andlitið við skemmtistað á Laugavegi með þeim afleiðingum að hann nefbrotnaði. Lögreglan kom manninum á slysadeild.

Þá lýsir lögreglan eftir vitnum af umferðaróhappi sem átti sér stað á gatnamótum Hringbrautar og Njarðagötu rétt fyrir klukkan fimm í nótt.

Lýst er eftir grárri Subaru Impreza bifreið en hún er mikið tjónuð á vinstra framhorni og hlið en henni var ekið af vettvangi eftir árekstur.

Ökumaður mun hafa verið karlmaður.

Þeir sem geta veitt upplýsingar um ökumanninn eða bifreiðina eru beðnir um að setja sig í samband við lögregluna á höfuðborgarsvæðinu.