Eldsupptök á hjólbarðaverkstæðinu ókunn

Lögregla rannsakar nú eldsupptök í hjólbarðaverstæðinu Pitt-stop við Rauðhellu í Hafnarfirði í nótt, þar sem tuga milljóna króna tjón varð í eldsvoða.

Eldsins varð vart laust fyrir klukkan hálf eitt í nótt og var allt tiltækt slökkvilið á höfuðborgarsvæðinu sent á vettvang. Auk þess var bakvakt kölluð út og voru hátt í 40 slökkviliðsmenn sendir á vettvang. Þá var allt alelda í einu af fjórum eldheldum hólfum í húsinu og nokkur eldur í örðu.

Strax var lögð áhersla á að verja nálæg hús og hin bilin  í húsinu sjálfu, en það er hólfað niður með eldvarnarveggjum.

Eftir rúma klukkustund náðust tök á eldinum og um hálf fjögur leitið var farið að fækka í liðinu á vettvangi. Slökkviliðsmenn voru svo farm undir morguon að slökkva í glæðum.

Þegar eldurinn var hvað magnaðastur sást hann víða að og lagði mikinn og þykkan  reykjarmökk upp af staðnum, en sem betur fór stóð vindur af íbúðabyggðinni í Vallahverfi.

Að sögn Sigurðar Ævarssonar, eins eigenda Pitt-stop er tjónið gríaðrlegt, fyrir utan eyðileggingu á húsinu, því fyrirtækið var búið að byrgja sig upp af vetrardekkjum og kaupa nýjar vélar til dekkjaskipta.

Þær vélar og aðrar eldlri, gjör eyðilögðust og megnið af dekkjalagernum. Sigurður sagði ómögulegt að skjóta á tjónið að svo stöddu, nema hvað það hlypi á tugum milljóna króna. Engan sakaði við slökkvistarfið, en eldsupptök eru ókunn, eins og áður sagði.