Skora á Guðbjarna að gefa sig fram

Lögreglan á höfuðborgarsvæðinu lýsir enn eftir Guðbjarna Traustasyni, fanga á Litla-Hrauni.

Guðbjarni, sem er 27 ára og iðulega kallaður Baddi, er um það bil 185 sm á hæð og um 90 kg. Hann skilaði sér ekki úr lögbundnu dagsleyfi frá fangelsinu um helgina og eftirgrennslan eftir honum hefur ekki skilað árangri.

Talið er að Guðbjarni, sem ekki er álitinn hættulegur, dvelji á höfuðborgarsvæðinu. Þeir sem geta gefið upplýsingar um ferðir hans eða dvalarstað eru hvattir til að hafa samband við lögregluna á höfuðborgarsvæðinu í síma 444-1000 en lögreglan skorar jafnframt á Guðbjarna að gefa sig fram strax.