Búið að aftengja duflið - sprengjan var heil

Sprengjusérfræðingar Landhelgisgæslunnar eru búnir að aftengja tundurdufl sem festist í veiðarfærum togbátsins Skinneyjar snemma í morgun. Duflið reyndist vera 225 kíló. Hvelletta og forsprengja voru enn til staðar en óvíst hvort raunveruleg hætta hafi verið til staðar.

Samkvæmt upplýsingum frá landhelgisgæslunni er þó alltaf gert ráð fyrir hinu versta og það tekið mjög alvarlega þegar tundurdufl finnast. Ekki er útilokað að gamall búnaður springi.

Skipstjóri Skinneyjar, Margeir Guðmundsson, sagði í viðtali við Vísi í hádeginu að skipverjar hefðu tekið óvænta fundinum með ró. Duflið var híft upp á þilfar skipsins og þar var það aftengt.

Tundurduflið festist í veiðarfærunum sunnan við Snæfellsnes. Þeir sigldu svo með það að Rifi á Snæfellsnesi. Skipið er komið að landi.

Næsta skref er að sprengja forsprengjuna og brenna sprengiefnið sjálft.