Verulega dregur úr umferð

Verulega hefur dregið úr umferð á vegum landsins fyrstu tvo mánuði ársins, og þarf að fara fjögur ár aftur í tímann til að finna álíka umferðartölur og nú.

Þetta er samkvæmt talningu Vegagerðarinnar á 16 stöðum við Hringvegin. Umferðin frystu tvo mánuði ársins er rösklega fjórum prósentum minni en á sama tíma í fyrra og fara þarf aftur til ársins 2006 til að finna minni umferð í þessum mánuðum. Mestur er samdrátturinn á Suðurlandi, eða níu prósent, og er samdrátturinn álíka mikill og aukningin var á sama svæði á milli áranna 2008 og -9.

Töluverður samdráttur varð líka á höfuðborgarsvæðinu, en umferð jókst lítillega fyrstu mánuði ársins á Norður- og Austurlandi. Þessa samdráttar verður glöggt vart í minnkandi innflutningi á bensíni og olíu. Á ársgrundvelli nemur samdrátturinn förmum fimm meðalstórra olíuskipa, eins og sigla hingað til lands.