Lífið

Frægir á frumsýningu Fást

Leikhússtjóri Borgarleikhússins, Magnús Geir Þórðarson, ásamt hinum mikla höfðingja Gunnari Eyjólfssyni. Fréttablaðið/Anton Brink
Leikhússtjóri Borgarleikhússins, Magnús Geir Þórðarson, ásamt hinum mikla höfðingja Gunnari Eyjólfssyni. Fréttablaðið/Anton Brink
Leikgerð Vesturports á Fást sem byggir á frægu verki eftir Gothe var frumsýnd í Borgarleikhúsinu á föstudaginn. Leikhópurinn er þekktur fyrir djarfar útfærslur og leikararnir sviku ekki aðdáendur sína frekar en fyrri daginn þegar þeir sveifluðu sér yfir höfðum áhorfenda og léku allskyns kúnstir í háloftunum. Eins og sjá má hér til hliðar gefur leikhúsgagnrýnandinn Elísabet Brekkan sýningunni fjórar stjörnur en það voru miklu fleiri stjörnur sem sátu útí sal og horfðu hugfangnar á sjónarspilið.-fgg
Rakel Garðarsdóttir var að sjálfsögðu mætt til að fylgjast með hvernig manninum hennar, Birni Hlyni, reiddi af í háloftunum en það er bróðir hennar, Gísli Örn Garðarsson, sem leikstýrir verkinu. Hér er hún ásamt Dögg Hjaltalín.
Hallgrímur Ólafsson og Matthildur Magnúsdóttir, þula Ríkissjónvarpsins, voru meðal frumsýningargesta.


Jón Páll Eyjólfsson frumsýnir leikverkið Góðir Íslendingar á föstudaginn en hann gaf sér tíma til að mæta á frumsýningu Vesturports ásamt spússu sinni, Írisi Eggertsdóttur.
Viðar Eggertsson ásamt manni sínum, Sveini Kjartanssyni og Láru Aðalsteinsdóttur.
Menningavitarnir Bryndís Schram og Jón Baldvin létu sig ekki vanta á frumsýningu Fást enda skrifar Bryndís um menningarmál á Pressunni.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.