Fæðingum fjölgaði um 13%

Fæðingum á Landspítala fjölgaði um 70, eða 13%, á fyrstu tveimur mánuðum ársins miðað við sama tímabil í fyrra.

Þetta kemur fram í starfsemisupplýsingum spítalans fyrir febrúarmánuð. Inniliggjandi sjúklingum fækkaði um 7%, komum á dagdeild fjölgaði um 9% og meðallegtíminn styttist um 26%

Björn Zoega, forstjóri Landspítalans, sagði í föstudagspistli sínum á síðasta föstudag að starfsemi Landspítalans væri að breytast. Breytingin væri helst fólgin í því að verið væri að færa þjónustuna yfir á dagvinnutíma og fjármagn spítalans þannig nýtt sem best.