Innlent

Þungt haldinn á gjörgæslu

Maðurinn sem slasaðist í sprengingu í Hveragerði á níunda tímanum í gær liggur mjög þungt haldinn á gjörgæsludeild Landsspítalans. Maðurinn er 23 ára gamall og félagi hans, sem einnig var á vettvangi, slapp ómeiddur. Strax og sjúkraflutningamenn komu á vettvang kölluðu þeir eftir þyrlu Landhelgisgæslunnar, en bjuggu um hinn slasaða og héldu af stað með hann í sjúkrabíl til móts við þyrluna.

Hún tók við hinum slasaða á mótum Suðurlandsvegar og Bláfjallavegar og lenti skömmu síðar við Landsspítalann í Fossvogi, þar sem læknar tóku við. Af rannsókn lögreglunnar má ráða að mennirnir hafi tæmt skotelda og verið að búa til svonefndar rörasprengjur, og að ein slík hafi sprungið í höndum hins slasaða.

Lögregla kallaði sprengjusérfræðing sérsveitar ríkislögreglustjóra á staðinn, til að tryggja að ekki stafi hætta af leyfum flugelda, eða annarra eldfimra efna á vettvangi.










Tengdar fréttir

Alvarlegt flugeldaslys í Hveragerði

Maður á þrítugsaldri er lífshættulega slasaður eftir alvarlegt flugeldaslys sem átti sér stað á níunda timanum í kvöld. Þyrla Landhelgisgæslunnar var kölluð á vettvang og kom til móts við sjúkrabíl sem flutti manninn áleiðis til Reykjavíkur. Maðurinn er 25 ára gamall. Ekki er vitað hver tildrög slyssins eru.

Rörasprengja sprakk í höndum mannsins

Rörasprengjur fundust nærri staðnum í Hveragerði þar sem maður á þrítugsaldri slasaðist alvarlega á níunda tímanum eftir að sprengja sprakk, að því er virðist í höndunum hans.

Mest lesið


Fleiri fréttir

Sjá meira


×

Mest lesið