Enn í haldi eftir líkamsárás í gærkvöldi

Karlmaður á þrítugsaldri er enn í haldi lögreglu, vegna rannsóknar á líkamsárás þrigga manna á ungan mann af erlendum uppruna á mótum laugavegar og Vitastígs í Reykjavík á sjötta tímanum í gærkvöldi.

Þolandinn hlaut meðal annars áverka á höfði og var fluttur á slysadeild Landsspíatlans, þar sem hann dvaldi fram eftir kvöldi, eftir að gert hafði verið að sárum hans.

Hinir tveir árásarmennirnir voru látnir lausir eftir yfirheyrslur í gærkvöldi. Þeir hafa allir komið við sögu hjá lögreglu áður, vegna ýmissa afbrota.