Boðað til svefnmótmæla

Hópur mótmælenda hefur boðað til nokkurskonar svefnmótmæla líkt og í byrjun mánaðarins. Þá munu mótmælendur sofa úti við stjórnarráðshúsið á Lækjargötunni en mótmælin munu fara fram aðfaranótt þriðjudags.

Í tilkynningu á Facebook segir meðal annars:

„Við höfum ekki efni á að taka við fleiri loforðum frá stjórnmálamönnum sem hafa látið Alþjóðagjaldeyrissjóðinn binda hendur sínar. Þess vegna ríður á að við stöndum saman og trommum kröfum okkar um heiðarlegt uppgjör, mannsæmandi kjör og framtíð landsins inn í Stjórnarráðið."

Þá hvetja mótmælendur vinnuveitendur til þess að gefa mótmælendum frí þennan dag svo allir þeir, sem vilja, geti tekið þátt í mótmælunum.

Hægt er að nálgast mótmælaboðið á heimasíðu hópsins.