Dómur þyngdur yfir ofbeldismanni

Hæstiréttur Íslands þyngdi dóm yfir Ólafi Gottskálkssyni í dag en hann hlaut tíu mánaða óskilorðsbundið fangelsi í Héraðsdómi Reykjaness fyrir að ryðjast inn á heimili manns, misþyrma honum og hafa tölvu á brott með sér.

Hæstiréttur sá ástæðu til þess að þyngja dóminn um tvo mánuði og því skal Ólafur afplána árslanga refsivist.

Ólafur ruddist inn á heimili mannsins ásamt pilti febrúar á síðasta ári.

Við ákvörðun refsingar var litið til þess að Ólafur framdi brotið í félagi við annan mann og að brotið var til þess fallið að vekja ótta hjá brotaþola.

Var ráðið af gögnum málsins að brotavilji Ólafs hefði verið einbeittur. Var þetta metið honum til refsiþyngingar.