Skoða eftirlitsupptökur í háskólanum til þess að finna Andrés

Andrés Tómasson er 41 árs, dökkhærður, hávaxinn og gengur yfirleitt með gleraugu. Hann er til heimilis að Hólmgarði 38 í Reykjavík.

Síðast sást til Andrésar föstudaginn 24. september í Háskóla Íslands þar sem hann hefur verið kennari.

Lögreglan hefur farið í gegn um eftirlitsmyndavélar úr háskólanum í von um þær geymi vísbendingar um afdrif Andrésar.

En þrátt fyrir ítrekaðar auglýsingar í fjölmiðlum og umfangsmikla leit lögreglu og björgunarsveita hafa fáar vísbendingar borist um ferðir hans.

Andrési er lýst sem einfara. Hann á ekki systkini og foreldrar hans eru látnir. Fáir eru því til vitnis um ferðir hans eftir föstudaginn 24.

Lögregla hefur engar vísbendingar um saknæmt athæfi né um að Andrés hafi farið úr landi. Mesta áherslan er nú lögð á að finna bíl Andrésar.

Ljósbrúna jeppling af gerðinni Suzuki Grand Vitara á númerunum LZ 195. Allir þeir sem upplýsingar geta veitt eru beðnir um að hafa samband við lögreglu í síma 4441000.