Hæstiréttur staðfesti gæsluvarðhald

Hæstiréttur hefur staðfest gæsluvarðhaldsúrskruð Héraðsdóms Reykjavíkur yfir einum þeirra sex sem handteknir voru í tengslum við rannsókn lögreglu á fjársvikamálinu svokallaða. Heima hjá manninum fundust tólf kíló af hassi þegar lögregla gerði þar húsleit.

Sex manns eru því áfram í gæsluvarðhaldi vegna rannsóknarinnar, tvær konur og fjórir karlmenn, þar af einn starfsmaður Ríkis­skattstjóra, sem grunaður er um að hafa aðstoðað við fjársvikin.

Í Fréttablaðinu í dag kom fram að fólkið hafi meira og minna komið við sögu hjá lögreglu áður.