Slori dreift við heimili Steingríms og Jóhönnu

Hundruðum kílóa af fiskúrgangi var dreift við heimili Jóhönnu Sigurðardóttur forsætisráðherra og Steingríms J. Sigfússonar fjármálaráðherra fyrir helgi samkvæmt frétt sem birtist á dv.is.

Þar kemur fram að hópur manna hafi staðið á bak við uppátækið.

Úrgangurinn á að hafa verið fenginn í Keflavík. Eftir að búið var að koma hluta hans fyrir hjá oddvitum ríkisstjórnarinnar var farið með afganginn, um 200 kíló, á Austurvöll þar sem hann var falinn í runnum.

Lögreglan á að hafa fundið slorið og fjarlægt. Lögreglan hefur ekki staðfest frétt DV.