Sigraði ljósmyndakeppni Jól.is - mynd

„Þetta er sex ára sonur minn," svarar Daníel Stefán Halldórsson sem bar sigur úr bítum í ljósmyndakeppni Visir.is og Sony Center á jólavefnum Jól.is.

950 notendur Vísis sendu inn skemmtileg augnablik úr jólaundirbúningnum og jólahaldinu.

„Þetta kom mér mjög á óvart því mér fannst margar myndir í keppninni persónulega mjög flottar," segir Daníel ánægður og bætir við:

„Ég hef ekkert notað nýju vélina. Konan vill nota hana því ég er með manual vél sem henni finnst leiðinlegt að nota. Þessi vél er alveg fullkomin fyrir hana."

Í myndasafni má sjá sigurmyndina.