Brotist inn í 23 bíla Orkuveitunnar

Rúður voru brotnar og verðmætum stolið úr 23 bílum á afgirtu svæði Orkuveitu Reykjavíkur í gærmorgun. Bílarnir stóðu fyrir utan húsnæði framkvæmdadeildar fyrirtækisins rétt hjá aðalhúsnæði Orkuveitunnar á Bæjarhálsi. Upptökur af verknaðinum náðust á eftirlitsmyndavélar.

Um var að ræða bíla sem notaðir eru við margskonar viðhaldsstörf, að sögn Eiríks Hjálmarssonar, upplýsingafulltrúa fyrirtækisins. Meirihluta þeirra leigir Orkuveitan af Vélamiðstöðinni. Upptökur úr eftirlitsmyndavélunum voru skoðaðar í gær og kom í ljós að tveir karlmenn voru að verki.

Eiríkur segir óljóst hvort að verðmætum hafi verið stolið úr öllum bílunum.