Segir smálán „siðlausa sjóræningjastarfsemi“

Árni Páll Árnason, félagsmálaráðherra, hyggst beita sér fyrir lagasetningu sem kemur böndum á starfsemi fyrirtækja sem veita smálán. Hann segir lánveitingar til ungmenna með mörg þúsund prósenta vöxtum siðlausa sjóræningjastarfsemi.

 

 

Árni Páll segir að því miður séu smálánin á okurvöxtum, sem fyrirtæki eins og Kredia hafa verið veita, lögleg atvinnustarfssemi en það sé hins vegar mikilvægur prófsteinn fyrir samfélag Íslendinga að taka fast á þessari starfsemi og koma böndum á hana. Og ráðherrann hyggst beita sér fyrir lagasetningu í þá veru. Hann segir að lán til ungmenna á mörg þúsund prósenta vöxtum séu „siðlaus sjóningjastarfsemi."

 

 

Hjá Kredia geta viðskiptavinir fengið lán allan sólarhringinn með því að senda textaskilaboð í tiltekið númer. Dæmi eru um að ungt fólk hafi steypt sér í miklar skuldir vegna þessara lána og félags- og tryggingamálaráðuneytinu hefur borist margar ábendingar um slíkt frá einstaklingum.