Bæjarfulltrúi ekki meðal efstu manna í Hafnarfirði

Þegar búið er að telja 58% atkvæða í prófkjöri Samfylkingarinnar í Hafnarfirði er bæjarfulltrúinn Gísli Valdimarsson ekki meðal efstu manna. Gísli var í sjöunda sæti þegar fyrstu tölur voru birtar en nú vermir Eyjólfur Sæmundsson, verkfræðingur og varabæjarfulltrúi, það sæti.

Alls greiddu 1150 atkvæði í prófkjöri Samfylkingarinnar í Hafnarfirði sem er töluvert meiri þátttaka en fyrir fjórum árum en þá völdu 730 íbúar bæjarins á Samfylkingarlistann.

Þegar 58% af greiddum atkvæðum hafa verið talin er staða átta efstu þessi:

1.Guðmundur Rúnar Árnason 320 atkvæði

2.Margrét Gauja Magnúsdóttir 160 atkvæði

3.Gunnar Axel Axelsson 150 atkvæði

4.Guðfinna Guðmundsdóttir 197 atkvæði

5.Sigríður Björk Jónsdóttir 230 atkvæði

6.Lúðvík Geirsson 547 atkvæði

7.Eyjólfur Þór Sæmundsson 245 atkvæði

8 Elín Soffía Harðardóttir 196 atkvæði

Mjóttt er á mununum því Guðnýju Stefánsdóttur vantar aðeins eitt atkvæði til þess að ná 8. sætinu.

Samfylkingin fékk sjö bæjarfulltrúa kjörna í kosningunum árið 2006, Sjálfstæðisflokkur þrjá og VG einn.