Handtekin fyrir að stelast í þvottavél

Karl og kona voru í gær handtekin fyrir að þvo þvott. Ástæða afskipta lögreglu af þvottafólkinu var sú að þau voru við iðju sína í ókunnugu húsi og án heimildar húsráðanda.

Þá var kona um tvítugt handtekin í verslun í miðborginni í gær fyrir þjófnað. Hún var ósammvinnufús að sögn lögreglu og neitaði hún meðal annars að segja til nafns. Hún var einnig í annarlegu ástandi að sögn lögreglu og var færð í fangaklefa.

Nokkur önnur þjófnaðarmál komu til kasta lögreglunnar í gær og voru þjófarnir á ýmsum aldri. Þeir yngstu eru 12 ára en þar er um að ræða tvær stelpur sem stálu fatnaði úr verslunarmiðstöð á höfuðborgarsvæðinu.