Fæðingamet slegið á Akranesi

Fæðingamet, sem sett var á síðasta ári, hefur þegar verið slegið á Sjúkrahúsinu á Akranesi þrátt fyrir að október sé aðeins skammt á veg kominn.

Fréttavefurinn Skessuhorn greinir frá þessu.

Í fyrra fæddust 273 börn á fæðingadeildinni en í dag höfðu þegar fæðst þremur fleiri.

Að sögn Önnu Björnsdóttur deildarstjóra munu fæðingarnar án efa verða yfir 300 á þessu ári. Henni finnst vera aukning á því að mæður utan Vesturlands sæki á deildina, þá sérstaklega frá Reykjavík og Mosfellsbæ.