Reyna að plástra mein Samfylkingarinnar

Samfylkingarfélagið á Fljótsdalshéraði vill að svonefnd Umbótanefnd Samfylkingarinnar taki til starfa sem fyrst til að leiða í ljós hvort hægt sé að plástra þau mein, sem hrjá Samfylkinguna um þessar mundir.

Þetta segir orðrétt í ályktun félagsins. Vísað er til þeirra vinnubragða einstakra þingmanna Samfylkingarinnar, þegar kosið var um ákæru á hendur fyrrverandi ráðherrum, þar sem tilteknir þingmenn Samfylkingarinnar kusu að sjá ekki yfirsjónir félaga sinna, heldur eingöngu yfirsjónir pólitískra andstæðinga, eins og segir í álytkun félagsins. Það fordæmi stjórn félagsins meira en orð fá lýst Einstakir þessir þingmenn flokksins hafi með því sært Samfylkinguna og stjórnmál landsins svo djúpu sári, að ekki verði grætt á næstu árum. Um það verði ekki bitist í þessari yfirlýsingu hvort þingmenn hefðu átt að segja já eða nei, heldur hvernig hægt er að hlaupa milli feigs og ófeigs eftir eigin geðþótta á augnabliki, segja Samfylkingarmenn á Héraði.