Vanþekking einkennir niðurskurðarhugmyndir

Virðingarleysi, skortur á samráði og vanþekking á staðháttum er rauði þráðurinn í mótmælum, sem nú dynja á stjórnvöldum vegna fyrirhugaðs niðurskurðar í heilbrigðismálum, sem verður lang mestur á landsbyggðinni.

Í ályktun Sambands sveitarfélaga á Austurlandi segir að áformin séu ekkert annað en aðför að heilbrigðisþjónustunni á svæðinu og afhjúpi vilrðingarleysi heilbrigðisyfirvalda til íbúa í fjórðungnum. Þau muni meðal annars auka atvinnuleysi, brottflutning og valda íbúum auknum kostnaði við að sækja þjónustu um langan veg.

Í ályktun stjórnar Suðurlandsdeildar Félags íslenskra hjúkrunarfærðinga er bent á að þjónustusvæðið sé hamfarasvæði. Síðan spyrja hjúkrunarfærðingarnir hvort allir séu búnir að gleyma því að í síðasta Heklugosi sat fjöldi manns fastur í bílum sínum á Hellisheiði og í þrengslum og bæði Ölfusárbrú og Óseyrarbrú var lokað í síðustu Suðurlandsskjálftum.

Búið er að halda fjölda borgarafunda víða um land, borgarafundur verður á Sauðárkróki í kvöld og frerkari fundahöld og jafnvel mótmælaaðgerðir eru í undirbúningi.