Hneykslun yfir framferði SA

Samtökin Sól á Suðurlandi lýsa mikilli hneykslun á framferði Samtaka atvinnulífsins , sem þau segja klaga umhverfisráðherra fyrir að vilja fyrir Hæstarétti skera úr um réttaröryggi almennings í byggðum við Þjórsá, vegna hugmynda um virkjanir þar.

Fáheyrt sé að hafa uppi klögumál og mótmæli gegn því að fólk geti leitað réttar síns. Enn fráleitara sé að klaga ráðherra fyrir að leita niðurstöðu í þessu alvarlega deilumáli, sem hefur rofið frið og samstöðu í byggðum við Þjórsá í mörg ár, segir í ályktun Sólar á Suðurlandi.