Ragnheiður er hæf í nefndina

Formaður þingnefndar sem á að fjalla um og bregðast við skýrslu rannsóknarnefndar, segir að hugsanlegt vanhæfi nefndarmannsins Ragnheiðar Ríkharðsdóttur, þingmanns Sjálfstæðisflokks, hafi verið yfirfarið af nefndinni.

„Viðkomandi mál hefur að mínu [mati] ekki áhrif á setu hennar í þingmannanefndinni,“ segir formaðurinn, Atli Gíslason, í tölvuskeyti. Atli er þingmaður Vinstri grænna.

Sonur Ragnheiðar, Ríkharður Daðason, krafðist nýlega þrjátíu milljóna króna frá þrotabúi Kaupþings vegna vangoldinna launa, en hann starfaði þar allt fram að hruni. - kóþ