Mótmæltu við Alþingishúsið í nótt

Nokkrir mótmælendur sátu eða sváfu við Alþingishúsið í morgun og hópur fólks hafðist við í nokkrum tjöldum á Austurvelli, en fólkið er að mótmæla aðgerðarleysi stjórnvalda í við vanda almennings. Mun fleiri voru þar um miðnætti. Mótmælaspjöldum var raðað meðfram allri norður hlið Alþingishússins og kyndlar loguðu við styttu Jóns Sigurðssonar. Að sögn lögreglu hefur allt farið vel fram og ekki komið til afskipta lögreglu, en hún hafði ekki fasta vakt við húsið í nótt.