Tali skýrar um álversstækkun

Bæjarráð Hafnar­fjarðar telur Alcan á Íslandi enn ekki hafa skýrt nægilega vel vilja sinn vegna áformaðrar endurtekningar á íbúakosningu um stækkun álversins í Straumsvík.

Eins og fram hefur komið í Fréttablaðinu telja forsvarsmenn Alcan sig hins vegar hafa svarað öllu sem að fyrirtækinu lýtur og að kjósa eigi um óbreytta þá deiliskipulagstillögu sem felld var í íbúakosningu vorið 2007. Það þýði þó ekki sjálfkrafa að af stækkuninni verði.

Bæjarráðið fól í gær sviðstjóra skipulagssviðs ásamt oddvitum bæjarstjórnarflokkanna að fá sem fyrst nánari svör hjá Alcan varðandi áform um stækkun álversins út frá upphaflegu deiliskipulagstillögunni. - gar