Ástfangin á tónleikum

Justin Timberlake og kærasta hans Jessica Biel sáust skemmta sér saman á bar í Hollywood í vikunni þar sem þau sátu við borð og drukku hanastél, pískruðu og létu vel að hvort öðru.

Eftir nokkra drykki fór parið á tónleika með tónlistarmanninum Timbaland og sást Timberlake dansa upp á stól og syngja með. Parið yfirgaf svo tónleikastaðinn hönd í hönd stuttu áður en tónleikunum lauk. Undanfarið hafa fjölmiðlar hið vestra verið duglegir við að flytja fréttir af mögulegum sambandsslitum parsins, en virðist sem ekkert sé hæft í þeim sögusögnum.