Páll Valur efstur í Grindavík

Páll Valur Björnsson sigraði í forvali Samfylkingarinnar í Grindavík sem fór fram í gær. Samfylkingin fékk tvo bæjarfulltrúa kjörna í kosningunum fyrir fjórum árum en þeir sóttust ekki eftir endurkjöri.

Sjö frambjóðendur gáfu kost á sér í forvalinu í gærkvöldi. Að lokinni kynningu fór fram kosning sem var opin fyrir félagsmenn og lauk henni klukkan 22.

Páll Valur hlaut 79% atkvæða í 1 sæti. Marta Sigurðardóttir fékk 71% atkvæða í 1.-2. sæti, Sigurður Kristmundsson hlaut 60% atkvæða í 1.-3. sæti og í 4. sæti varð Helga Kristjánsdóttir með 81% atkvæða í 1.-4. sæti.