InDefence hvetur Íslendinga til að hafna Icesavelögunum

InDefence hópurinn hvetur Íslendinga til að hafna Icesavelögunum í komandi þjóðaratkvæðagreiðslu. Hópurinn boðar til blaðamannafundar í dag og markar sá fundur upphafið að starfi hanss í aðdraganda fyrirhugaðrar þjóðaratkvæðagreiðslu um nýju Icesavelögin sem Alþingi samþykkti í lok síðasta árs og forsetinn hafnaði að staðfesta.

„Umfram allt ber okkur skylda til að koma í veg fyrir að skuldbindingar vegna Icesave verði svo mikil efnahagsleg byrði á núverandi og komandi kynslóðir Íslendinga að þær leiði til þjóðargjaldþrots," segir í fréttatilkynningu frá hópnum.

Þar segir að InDefence muni áfram byggja á þeim áherslum sem hópurinn hefur markað sér og unnið eftir undanfarna 15 mánuði.

InDefence opnar í dag efnismeiri heimasíðu með ítarlegum upplýsingum um Icesavemálið. Vefslóðinn er sú sama og áður, www.indefence.is.