Nær fjögur þúsund mótmæla niðurskurði víða um land

Hátt í fjögur þúsund manns,samtals, mótmæltu niðurskurði í heilbrigðisþjónustunni á borgarafundum á Húsavík, Ísafirði og í Reykjanesbæ í gærkvöldi og mótmælaaðgerðir eru fyrirhugaðar í Vestmannaeyjum í dag.

Í Reykjanesbæ runnu saman borgarafundur vegna atvinnumála á Suðurnesjum og mótmæli gegn niðurskurði í heilbrigðisþjónustunni.

Aðför að fólki á landsbyggðinni, var rauður þráður í öllum mótmælunum, en þau fóru allstaðar friðsamlega fram að sögn lögreglu á viðkomandi svæðum.