Kveikt í brennum klukkan hálf níu

Kveikt verður í áramótabrennum í Reykjavík kl. 20:30 í kvöld. Á heimasíðu Reykjavíkurborgar eru borgarbúar hvattir til að fjölmenna á brennur og hafa gjarnan með sér stjörnuljós, en skilja skotelda eftir heima.

„Brennurnar eru á sömu stöðum og í fyrra og rétt eins og þá eru stóru brennurnar fjórar og þær minni fimm talsins. Stærð brenna ræðst af aðstæðum á hverjum stað," að því er segir á vef borgarinnar.

Tvær brennur verða í Kópavogi, Í Kópavogsdal við Smárahvammsvöll og á Vatnsenda. Í þeim verður einnig kveikt klukkan 20:30 og flugeldasýning hefst í Kópavogsdal klukkan 21:10. Í Hafnarfirði er einnig stór brenna á svæði Hauka á Ásvöllum.

1. Við Ægisíðu, stór brenna.
   
   
2. Við Suðurhlíðar, neðan við Fossvogskirkjugarð, lítil brenna.
   
   
3. Geirsnef, stór brenna.
   
   
4. Við Suðurfell, lítil brenna.
   
   
5. Gufunes við gömlu öskuhaugana, stór brenna.
   
   
6. Kléberg á Kjalarnesi, lítil brenna.
   
   
7. Skerjafjörður gegnt Skildinganesi 48 - 52, lítil brenna.
   
   
8. Vestan Laugarásvegar móts við Valbjarnarvöll, lítil brenna.
   
   
9. Fylkisbrennan, við Rauðavatn, stór brenna.
   
   
10. Kópavogsdalur.
    
    
11. Vatnsendi
    
    
12. Ásvellir.