Þorsteinn hættur hjá Landsvirkjun

Landvirkjun og Þorsteinn Hilmarsson, upplýsingafulltrúi fyrirtæksins, hafa gert samkomulag um að hann láti af störfum, en hann hefur starfað hjá Landsvirkjun undanfarin 18 ár.

Fram kemur á vef Landsvirkjunar að framundan séu breytingar á starfsumhverfi fyrirtækisins. „Við þessar aðstæður er brýnt að efla og breyta ímynd Landsvirkjunar bæði gagnvart fjármögnunarfyrirtækjum, fjölmiðlum og almenningi. Liður í þessum breytingum er áðurnefnt samkomulag við Þorstein. Eins og gefur að skilja er söknuður hjá starfsmönnum Landsvirkjunar við brotthvarf Þorsteins," segir í vef Landsvirkjunar. Þar er Þorsteini jafnframt þakkað fyrir vel unnin störf og honum óskað velfarnaðar í framtíðinni.