Mikil umferð um Landeyjarhöfn

Sigurður Áss Grétarsson, forstöðurmaður hafnarsvið Siglingastofnunar, segir að bæjarstjórn Vestmannaeyja hafi ekki fengið leyfi Siglingamálastofnunar til að koma upp lítilli flotbryggju í Landeyjahöfn líkt og sagt var í hádegisfréttum Bylgjunnar. Málið verði í fyrsta lagi afgreitt í lok mánaðarins.

Undanfarið hafa bátar siglt með farþega milli lands og eyja. En framkvæmdir eru enn í Landeyjahöfn og Siglingastofnun áréttar að þar sé öll umferð bönnuð.

Fram kemur á vef stofnunarinnar að fólk á öllum aldri, jafnvel með börn í fangi, hafi sést klifrandi í grjótgörðum, mikil hætta sé á slysum, og á myndinni sést að ekki er auðvelt að komast þarna í land. Siglingastofnun ítrekar að banninu verði framfylgt í samráði við lögreglu á svæðinu.

Heimildir fréttastofu innan samgönguráðuneytisins herma að menn þar séu allt annað en ánægðir með þessar siglingar nú.

Elliði Vignisson, bæjarstjóri í Eyjum, segir að Eyjamenn séu tilbúnir til framkvæmda og bærinn sé tilbúinn að borga fyrir aðkomu báta í höfninni. Siglingastofnun hafi tekið vel í erindið og gert sé ráð fyrir að Landeyjarhöfn verði tilbúin 25. Júlí. „Við bíðum bara eftir formlegu samþykkis ráðuneytisins."