Minna skorið niður hjá HSS en talið var nauðsynlegt

Niðurskurður á þjónustu hjá Heilbrigðisstofnun Suðurnesja verður ekki jafn mikill og talið var. Þetta kemur fram í yfirlýsingu sem yfirstjórn stofnunarinnar sendir frá sér í kjölfar fundarhalda með Álheiði Ingadóttur heilbrigðisráðherra. Þar var farið ítarlega yfir stöðu HSS og niðurskurð á framlögum til stofnunarinnar á fjárlögum.

„Á fundinum kom fram að áhrif skertra framlaga á rekstur stofnunarinnar voru ofmetin og niðurskurður á þjónustu verður því ekki jafn mikill og forsvarsmenn HSS töldu óhjákvæmilegan."

„Vegna þessa er ljóst að stjórn HSS verður að endurmeta fyrri ákvarðanir og standa vonir til að hægt verði að halda þjónustu við sykursjúka áfram opinni og sama er að segja um sálfélagslegu þjónustuna. Þá verður almenn móttaka lækna um helgar áfram opin," segir ennfremur um leið og því er heitið að starfsfólk og stjórnendur HSS muni hér eftir sem hingað til tryggja íbúum örugga þjónustu.

Bráðamóttaka verður opin 24 tíma á sólarhring alla daga ársins áfram.