Innlent

Ökumanninum sleppt eftir skýrslutökur

Jón Hákon Halldórsson skrifar
Unnið var að viðgerð á húsnæðinu í morgun.
Unnið var að viðgerð á húsnæðinu í morgun.
Maðurinn sem var handtekinn ölvaður eftir að hafa keyrt inn í anddyri Íslandsbanka er laus úr haldi lögreglunnar. Honum var sleppt eftir hádegi í dag eftir skýrslutökur á lögreglustöð.

Starfsfólki bankans var mjög brugðið þegar að það kom til vinnu í morgun. Eftir því sem fréttastofa kemst næst var tilgangurinn með uppátækinu ekki að ræna bankann heldur hugðist maðurinn gera upp sakir við bankann.

Annars hefur lögreglan á höfuðborgarsvæðinu haft í nógu að snúast í dag. Nokkur þjófnaðarmál hafa borist á borð lögreglunnar. Þá hefur verið tilkynnt um fjögur innbrot, þar sem meðal annars var stolið verkfærum og tölvum.


Tengdar fréttir

Ók inn í bankann

Bifreið var ekið inn í Íslandsbanka á Kirkjusandi klukkan rúmlega tvö í nótt. Að sögn lögreglu var ökumaðurinn ölvaður og fór bíllinn í gegnum glerhurð í andyri og hálfur í gegnum vegg þar fyrir innan. Ökumanninn sakaði ekki en lögregla telur að um ásetning hafi verið að ræða þrátt fyrir ölvunina. Ekki mun þó hafa verið um ránstilraun að ræða heldur fremur að maðurinn hafi talið sig eiga óuppgerðar sakir við bankann. Hann gistir nú fangageymslur og bíður þess að komast í yfirheyrslu.

Viðgerð hafin á anddyri Íslandsbanka

Viðgerð er hafin á anddyri Íslandsbanka við Kirkjusand. Um tvöleytið í nótt ók ölvaður maður inn í bygginguna í gegnum glerdyr. Hann sakaði ekki. Lögregla telur að um ásetning hafi verið að ræða þrátt fyrir ölvun mannsins. Ekki liggur fyrir hve mikið tjónið er.

Mest lesið


Fleiri fréttir

Sjá meira


×

Mest lesið