Um 250 milljónir söfnuðust í átaki Stofnunar Vigdísar Finnbogadóttur

Rösklega 250 milljónir króna hafa safnast í átaki Stofnunar Vigdísar Finnbogadóttur til byggingar Alþjóðlegrar tungumálamiðstöðvar sem einnig mun hýsa kennslu erlendra tungumála við Háskóla Íslands.

Átakið hófst í vor í tilefni af stórafmæli Vigdísar og vegna þess að í sumar voru 30 ár liðin frá sögulegu forsetakjöri hennar og embættistöku. Um 800 milljónir króna hafa nú safnast til þessa metnaðarfulla verkefnis því áður en átak stofnunar Vigdísar Finnbogadóttur fór af stað í sumar höfðu þegar safnast 550 milljónir. Enn vantar 400 milljónir til að fjármagna bygginguna að fullu.

Niðurstaða átaksins var kynnt í dag, á Evrópska tungumáladeginum, í Listasafni Sigurjóns Ólafssonar.