Byrjað að laga veginn

Jarðýta er byrjuð að vinna að því að ryðja í veginn sem fór í sundur við bæinn Mörtungu, austan við Kirkjubæjarklaustur, fyrr í dag.

Guðmundur Ingi Ingason, lögreglumaður í Vík í Mýrdal, segir að það flæði við veginn við Svaðbælisá og hættulegt geti verið að vera þar á ferðum. Guðmundur Ingi segir að verulega hafi dregið úr umferð í dag, enda hafi vegfarendur fengið skilaboð um að fara með varúð. Hann segir að það séu helst erlendir ferðamenn sem séu á ferð núna, enda fái þeir ekki skilaboð úr íslenskum fjölmiðlum eins greiðlega og aðrir.

Guðmundur segir að ef það stytti upp núna síðdegis gæti allt verið komið í samt lag síðdegis.