Ákall til blóðgjafa

Blóðbankinn biður blóðgjafa að muna eftir bankanum áður en þeir fara í frí og koma og gefa blóð. Nú er svo komið að birgðir af blóði í O blóðflokkunum er í lágmarki og sérstaklega vantar O negativt blóð, að því er fram kemur í tilkynningu. Blóðbankinn er ábyrgur fyrir allri söfnun og vinnslu blóðs hér á landi.

Sérstaklega er virkir gjafar beðnir um að koma í þessari viku. Vegna sparnaðaraðgerða verður blóðbankabíllinn ekki á ferðinni fyrr en í lok ágúst.

„Við viljum minna á nauðsyn þess að eiga nægar blóðbirgðir í banka allra landsmanna. Starfsfólk Blóðbankans beinir þeim tilmælum til blóðgjafa að þeir komi í Blóðbankann á næstu dögum og hjálpi sjúklingum um land allt með því að tryggja nægar blóðbirgðir," segir í tilkynningunni.