Rúmlega 61% á móti því að ríkið greiði listamannalaun

Um 61,4% eru frekar eða mjög andvígir því að ríkið greiði listamannalaun, samkvæmt niðurstöðum nýrrar skoðanakönnunar MMR.

Stærsti hlutinn, 32,7%, er því mjög andvígur en 28,7% sögðust vera frekar andvíg. Um 28,8% sögðust vera frekar fylgjandi og 9,8% sögðust mjög fylgjandi því að ríkið greiði listamannalaun.

Könnunin var gerð í gegnum síma og á netinu dagana 3.-5. mars 2010. Alls svöruðu 932 einstaklingar á aldrinum 18-67 ára spurningunni. Spurt var: „Ertu fylgjandi eða andvíg(ur) því að ríkið greiði listamannalaun?"