Hægt að skapa 26 þúsund ársverk

Hægt yrði að skapa 26 þúsund ársverk á næstu árum í fjárfestingarverkefnum sem næmu 280 - 380 milljörðum króna á næstu árum, segir framkvæmdastjórn Starfsgreinasambandsins. Atvinnumál voru til umræðu á fundi framkvæmdastjórnarinnar í gær. Þar á bæ krefjast menn þess að Alþingi og ríkisstjórn snúi bökum saman, klári Icesave málið, hrindi efnahagsáætluninni í framkvæmd og gefi stöðugleikasáttmálanum líf.

Þær framkvæmdir sem framkvæmdastjórn Starfsgreinasambandsins segir að geti skipt sköpum eru Búðarhálsvirkjun, endurbygging í Straumsvík, Verne Holding, Helguvík, Tónlistarhúsið, Reykjavíkurborg - framkvæmdir, Framkvæmdasýslan, álver á Bakka, orkuver tengt Bakka, Gagnaver, Tomhawk, Grundartangi, Koltrefjaverksmiðja, Pappísrverksmiðja, 2 x orkuver 200 MW., Sjúkrahús, tvöföldun Hvalfjarðarganga, Vaðalaheiðargöng, Suðurstrandarvegur, Sundabraut, Vesturlandsvegur, Vegagerð á Sv-horni, Samgöngumiðstöð, Þjónusturými fyrir aldraða var m.a. tínt til í minnsiblaði frá 16. júní 2009 í tengslum við undirritun Stöðugleikasáttmálans.

Framkvæmdastjórn Starfsgreinasambandsins segir að launþegar og verkalýðshreyfingin hafi axlað sína ábyrgð á leið Íslands út úr efnahagsvandanum. Það verði aðrir að gera líka.