Sumaráætlun Strætó tekur gildi

Sumaráætlun Strætó tekur gildi næstkomandi sunnudag. Samkvæmt tilkynningu frá Strætó verða helstu breytingar frá vetraráætlun þær að allir vagnar sem óku á 15 min. tíðni í vetur fara yfir á 30 min. tíðni í sumar. Leið 25 ekur ekki í sumar. Brottfarartímar breytast að einhverju leyti á leiðum 3, 5, 6, 19 og 24 frá því sem var í vetur.

Nýjar leiðabækur eru fáanlegar á sölustöðum Strætó. Þær kosta 50 krónur en einnig er hægt að skipta eldri leiðabók út fyrir nýja. Heimasíða Strætó verður uppfærð á allra næstu dögum og verða þá aðgengilegar upplýsingar um sumaráætlun þar.