Stemning á Anfield - myndir

Þá er viðburðarríkum degi á Anfield lokið. Hann hófst fyrir utan völlinn er hópur stuðningsmanna Liverpool fór í mótmælagöngu gegn hinum bandarísku eigendum liðsins sem þeir eru ekki hrifnir af.

Starfsmenn Liverpool höfðu svo í nægu að snúast inn á vellinum en stuðningsmenn Man. Utd köstuðu hundruðum sundbolta inn á völlinn. Ljóst að leitin á fólki fyrir leik hafði ekki gengið vel.

Margir stuðningsmanna United voru einnig mættir með Cantona-grímur og borða til að minna á móðgun Liverpool frá 1994 er þeir sögðu Cantona að koma aftur eftir að United væri búið að vinna 18 Englandsmeistaratitla. Því kalli var svarað.

Svo var náttúrulega dramatík í kringum endurkomu Michael Owen en það var baulað hraustlega er hann kom af bekknum á 74. mínútu.

Myndir frá stemningu dagsins má sjá í albúminu hér fyrir neðan.